“Токио 2020” зуны олимпийн наадмын Монгол Улсын элчээр Хакүхо М.Даваажаргалыг томилжээ. Энэхүү наадамд оролцох баг тамирчдын ахлагчаар МҮОХ-ны тэргүүн дэд ерөнхийлөгч Б.Баттүшиг сонгогджээ.

Тус холбооноос олимпизмын үзэл санааг сурталчлах, түгээн дэлгэрүүлэх зорилгоор “Токио хүрэх зам”, “Гурван үеийн алтан хэлхээ” цуврал нэвтрүүлгүүд бэлтгэн, олон нийтэд хүргэх, өсвөр үеийнхний дунд “Олимпизм-Монголын ирээдүй” сэдэвт уралдааныг үе шаттайгаар зохион байгуулах, сар бүр шилдэг тамирчин шалгаруулах зэрэг ажлууд төлөвлөжээ.