Гадаадын улс орнуудад амьдарч буй монгол иргэдийн олонтаа санал болгодог давхар иргэншлийн асуудлыг Гадаад харилцааны яам /ГХЯ/-наас ажлын хэсэг гарган судалж байгаа аж. Эхний ээлжинд аав ээж нь хоёулаа  Монгол Улсын иргэн бөгөөд хүүхэд нь гадаад улсад мэндэлсэн бол давхар иргэншил олгох талаар санал боловсруулаад байгаа гэнэ.

Гадаадын улс орнуудад 20 гаруй мянган монгол хүүхэд аж төрж байна. Тэдгээр хүүхдүүдэд монгол хэл бичиг заахаар 40 сургууль ажиллаж байгаа ч сургалтын чанар, сурах бичгийн хүрэлцээ сэтгэл зовоосон асуудал байдаг гэдгийг ГХЯ-ны хэлтсийн дарга Х.Мандахцэцэг онцоллоо.Тус яам болон БСШУЯ-наас хамтарсан баг гаргаж, гадаадын улс орнуудад аж төрж буй хүүхдүүдэд монгол хэл заах аргачлал, сурах бичгийн талаар судалж эхэлжээ.