Манай улсын хувьд эх орныхоо эрүүл хөрсөнд импортыг орлох, экологийн цэвэр бүтээгдэхүүн үйлдвэрлэж, дотоодынхоо хэрэгцээг хангах нь чухал билээ. Энэ чиглэлээр ирэх тавдугаар сараас Өмнөговь аймаг, ХААИС, БНСУ-ын Кёнсанбүг аймаг хамтран "Гүзээлзгэнэ, Сонгинолог ургамал" тарих төсөл эхлүүлэхээр гурвалсан гэрээ байгуулжээ. Энэ хүрээнд  жилийн дөрвөн улиралд жимс, хүнсний ногоо тариалах, тэр дундаа өвлийн хүлэмж байгуулах ажлыг голлон хийхээр болсон байна. Мөн 1500 мкв талбайд таван сортын гүзээлзгэний хүлэмж  байгуулахаар бэлтгэл ажилдаа ороод байгаа аж.