Дорноговь аймгийн Зүүн Баянгийн 336 дугаар ангид цэргийн алба хаахаар явсан Ж.Баярцогт ээлжийн ахлагчдаа зодуулж, өвлийн шөнө гадаа нүцгэн зогссоны улмаас хөл нь хөлдөж, 9 хуруугаа тайруулжээ. Түүнийг шөнийн ээлжинд гарч байхдаа харуулын байранд гал түлж дулаацсаных нь төлөө харуулын ахлагч Энхцолмон шийтгэсэн нь дээрх нөхцөл байдалд хүргэжээ. Хөлийнхөө 9 хурууг тайруулсан түүнд 500 мянган төгрөг хоёр хувааж өгснөөс өөр тусламж үзүүлээгүй гэнэ. Тэрбээр 2016 оны тавдугаар сард цэргийн албанд мордсон аж.