Төв аймгийн нутаг дэвсгэрт байрлах зэвсэгт хүчний хээрийн сургалтын төв болох Тавантолгойд гранат дэлбэрч, хоёр цэрэг амиа алдаж, найман цэрэг шархадсан харамсалтай хэрэг гарчээ. Шархатсан хүмүүсийг Цэргийн төв эмнэлэгт эмчилж буй. Тэдний хоёр нь яаралтай хагалгаанд орсон байна. Албан хаагчдын биеийн байдал нь тогтвортой байгааг цэргийн эмнэлгийн удирдлагууд мэдээллээ. Мөн талийгаач ахлагч М 30 гаруй настай бөгөөд эхнэр таван настай хүүгийнхээ хамт амьдардаг байсан гэнэ. Харин талийгаач ахлагч А нь ротынхоо хамгийн залуу буюу 24 настай бөгөөд ээж, эхнэр, дөрвөн сартай хүүгийнхээ хамт амьдардаг байсан аж.