Өнөөдрөөс нийтийн тээвэр зөвхөн U money картаар үйлчилж эхэлсэн. Улмаар автобус дахь бэлэн мөнгөний машиныг хурааж, зөвхөн картаар үйлчилж байна. Ингэснээр нийтийн тээврийн үйлчилгээ алдагдалгүй ажиллах боломж бүрдэнэ гэж албаныхан үзэж буй юм.

Хэд хоногийн өмнөөс автобус зөвхөн картаар үйлчилнэ гэх мэдээллийг хүргэсэн ч картгүй иргэд нэлээдгүй байгаа юм. Харин хянагчид 2500 төгрөгөөр автобусанд карт борлуулж, иргэдэд чирэгдэлгүй байх боломжийг бүрдүүлжээ. 2500 төгрөгийн үнэтэй тухайн картаар нэг удаа зорчих бөгөөд дахин үйлчлүүлэхдээ иргэд өөрсдөө цэнэглүүлэх шаардлагатай юм байна.