ХААИС-ийн цэнгээнт бүжгийн "Хатан туул" хамтлаг өнгөрсөн хавар болсон бүжгийн спортын улсын аварга шалгаруулах "Сарны цом-2014" тэмцээний Стандарт бүжгийн төрөлд түрүүлсэн бол Латин америк төрөлд гуравдугаар байрт шалгарсан билээ.

        Тус хамтлаг өмнө нь 2010 онд шилдэг хамтлагаар шалгарч, Польшийн Эльблаг хотод болсон стандарт бүжгийн ДАШТ-д анх удаа эх орноо төлөөлж оролцсон.  Түүнээс хойш ДАШТ-д гурван удаа амжилттай оролцож буй.

         Тэд Герман улсын Брауншвейг хотод ирэх арваннэгдүгээр сарын 1-нд болох стандарт бүжгийн дэлхийн аварга шалгаруулах формэйшн тэмцээнд оролцохоор бэлтгэл сургуулилтаа базааж эхэллээ. Хамтлагийн ахлагч Т.Лхагвасүрэн бүжигчдээ дасгалжуулж, тэмцээнд ахалж оролцох аж.

                                                                                                                     Г.Золзаяа