Завхан аймгийн Идэр суманд өчигдөр нэгэн аймшигт хэрэг гарчээ. Тодруулбал, Тус сумын Засаг даргын Тамгын газрын дарга нягтланг ажлаас нь чөлөөлсөн тул халагдсан нягтлан энэ шийдвэрийг хууль бус гэж үзэн, тэмцлийн хурц хэлбэрт шилжжээ. Ингэхдээ тэрбээр хууль бусаар ажлаасаа халагдсан гэдгээ олон нийтэд зарлан, өөр дээрээ бензин цацаж, гал тавьсан байна. Нас барсан эмэгтэй Завхан аймгийн Идэр сумын төрийн сангийн мэргэжилтнээр 28 жил ажилласан Т гэх хүн байжээ. Талийгаач 14 сая төгрөгийн цалингийн зээлтэй байсан бөгөөд гэнэт ажлаасаа халагдаж сэтгэл санаагаар их унаж явсаар өчигдөр /2017.03.28/ ийм харамсалтай үйл явдал болсон гэж түүний ойр дотныхон үзэж байгаа аж.