Охид бүсгүйчүүдийн хувьд хувцаслалт, гоо сайхны арчилгаа, хүүхэд төрүүлсэн ч богино хугацаанд жингээ барих арга барилаас нь үлгэр дуурайл авдаг хүн бол дуучин Ану буюу Ч.Уранхолбоо. Үргэлж олны анхааралд байдаг тэрбээр нөхөрт гарснаасаа хойш хувийн амьдралаа ихэд нууцлах болсноор тээгч эх хөлслөн хүүхдээ төрүүлсэн гэх шүүмжлэлд хүртэл өртөж байсан юм. Тэгвэл Ану гурав дахь охиноо өлгийдөн аваад байгаа билээ.

Өдгөө Анугийн том охин 4 нас хүрэх гэж байгаа бол дундах охин нь тавдугаар сард 2 нас хүрэх гэнэ. Харин бага нь 3 сартай. Тэрбээр “эмэгтэй хүн болсных алдарт эхийн одон зүүгээд, гурван охин маань хоёр эрэгтэй дүүтэй болж, эвтэй найртай, бие биедээ тустай, дэмтэй явцгаагаасай гэж би хүсдэг гэжээ.