Хүүхэддээ зааварчилж, загнахаас илүү тэдэнтэйгээ чин сэтгэлээсээ ярилцаж байх нь хүмүүжүүлэх хамгийн зөв арга гэдгийг судлаачид тогтоосон байдаг. Таны хүүхэд ээж, ааваасаа дараах үгсийг байнга сонссоноор бие даасан, өөртөө итгэлтэй, бусадтай харилцан ойлголцох чадвартай зөв хүн болон төлөвшдөг байна.

• Би чамдаа маш их хайртай.
• Юу ч болж байсан ээж нь (аав нь) чамайг л хайрлана.
• Чамд уурлалаа гээд хайрлахаа болихгүй.
• Чамайг хол байсан ч хайрладаг. Их санадаг шүү.
• Хүүхдээ сонгож авдаг байсан бол ээж нь (аав нь) чамайг л авах байсан.
• Баярлалаа.
• Өнөөдөр хоёулаа ёстой сайхан тоглолоо.
• Чамтай байх нь миний амьдралын хамгийн сайхан мөчүүдийн нэг
• Би чамд итгэж байна
• Хэзээ ч битгий бууж өгөөрэй
• Өдрийг хэрхэн өнгөрүүлэв дээ?
• Би үргэлж чинийхээ талд байх болно
• Чамаараа маш их бахархаж байна
• Бүх зүйл сайхан болно
• Надад тусалж байгаад маш их баярлалаа
• Чи юу хиймээр байна вэ?