УДЭТ-ын уран бүтээлчид ирэх жил тайзнаа олон уран бүтээл тавихаар төлөвлөсөн. Монголын драмын урлагийн түүхэнд Бурхан Буддагийн тухай жүжиг хийсэн тохиолдол байхгүй. Тиймээс “Үнэний хаан Будда” жүжиг тавина. Уг жүжгийн зохиол бэлэн болжээ. Мөн С.Жаргалсайханы “Үгүйлэгдсэн хайр”, Ч.Лодойдамбын “Гарын таван хуруу”, бас “Ромео Жульетта” жүжиг тоглох аж.

Анх ард түмний дэмжлэгтэйгээр байгуулсан ягаан театраа 2015 онд олон нийтийн хандив босгож, шинэчлэн засвар хийхээр төсөл хэрэгжүүлж эхэлсэн байна. Драмын театрынхан “Олуулаа” төрийн бус байгууллагатай хамтран www.oluulaa.org хуудсаар дамжуулан хөрөнгө босгох гэнэ.  

                                                                                        Г.Золзаяа