Cap шинийн баяр дөхөж байгаатай холбоотойгоор орон нутгаас нийслэл хотыг чиглэсэн хөдөлгөөн болон томоохон зах, худалдааны төв рүү чиглэсэн хөдөлгөөний ачаалал эрс нэмэгдэж ачаалал үүсэх, түгжрэл саатал бий болдог. Иймээс Нийслэлийн Засаг захирамжийн дагуу нийслэлийн замын хөдөлгөөний ачааллыг бууруулах зорилгоор зохицуулалт хийхээр болжээ.

САР ШИНИЙН БАЯРЫН ӨМНӨХ АМРАЛТЫН ӨДРҮҮДЭД ТЭГШ, СОНДГОЙГООР ХЯЗГААРЛАНА

• 2017 оны 2 дугаар сарын 11, 2 дугаар сарын 18-ны "Бямба” гарагуудад автомашины улсын дугаарын сүүлчийн орон тэгш тоогоор төгссөн тээврийн хэрэгсэл хөдөлгөөнд оролцоно.
• 2 дугаар сарын 12, 2 дугаар сарын 19-ний “Ням" гарагуудад автомашины улсын дугаарын сүүлчийн орон сондгой тоогоор төгссөн тээврийн хэрэгслүүд замын хөдөлгөөнд оролцох юм.

Түүнчлэн автомашины улсын дугаараар хязгаарлагдсан тээврийн хэрэгсэл Саппорогийн уулзвараас, Таван шарын уулзвар хүртэлх замд 10:00-20:00 цагийн хооронд хөдөлгөөнд оролцохыг хориглоно.