Нийтийн эзэмшлийн талбайд орон сууц, конторын барилга барих зориулалтаар газар олгохыг хориглосон нь нийслэлд газрын эрэлтийг эрс нэмэгдүүлжээ.

Цахим бүртгэлээр газар өмчилсөн иргэд болон  газар эзэмших гэрчилгээтэй байсан иргэд газрын маргаанаа цэглэхээр харьяа дүүргийнхээ газрын албадад дугаарласаар байна.  Нийслэлийн хэмжээнд  хоёр болон түүнээс дээш жилээр эзэмшиж буй газраа ашиглаагүй 219 иргэн, хуулийн этгээд байгаа юм. Үүний 103 нь хашаа  барьсан бол 116 нь хашаа барьж хаалт хийгээгүй байна. Иймд газар эзэмших эрхийг нь цуцалж эхэлжээ. 

Мөн зургаан дүүргийн хэмжээнд 121 хуулийн этгээд 13.13 га газрыг хэтрүүлэн ашигласан гэсэн судалгааг нийслэлийн Газрын албанаас гаргажээ.