Улсын филармонийн гоцлол дуучин Л.Насанбуян анхны бие даасан “Би” тоглолтоо энэ сарын 28-29-нд хийхээр бэлтгэл ажилдаа хэдийнэ оржээ. “Оддын эрэлд”, “Балхжавын дууг хэн сайн дуулах вэ”, “Universe best songs”  уралдааны шилдэг оролцогч болж байсан түүнийг дуучин  Сараагийн шавь гэдгээр олон нийт мэддэг.

Тэрбээр мюзикл хэлбэрээр хийх тоглолтодоо Alicia keys, Adele, Whitney Houston зэрэг дэлхийн алдартай дуучдын бүтээлийг толилуулахаас гадна өөрийн дуунуудаа оркестртой дуулах аж. Түүний тоглолтод “Баянмонгол” чуулга, “Мотив” хамтлаг, ҮДБЭЧ-ын бүжигчид оролцоно.

Дуучин бүсгүйн тоглолтынх нь ерөнхий зохион байгуулагчаар Улсын филармони, ерөнхий найруулагчаар С.Сүхбаатар, “Saraa`s music production”, “Apple production”, “Урлах эрдэм” дээд сургууль ажиллаж байна.

                                                                                             Г.Золзаяа