УДИРДАМЖ

Удахгүй тохиох Валентины баярыг угтан HiUB.mn сайт болон ЭКО телевиз, “Гэгээнтэн энтертайнмент” төв хамтран “ЕР БУСЫН ТЭР МЭДРЭМЖ” сэдэвт захидлын уралдааныг зарлаж байна.

Хүн бүр хайртай учирдаг. Харин “Зөвхөн Таных” гэдгийг нь мэдрэх тэр агшин хамгийн үнэ цэнэтэй байдаг. Тэр мөч анхны харцаар, хайрлах явцад, хагаралдаж муудах үед, хагацаж салсны дараа ч ирж болно. Тэгвэл Танд төрсөн ер бусын тэр мэдрэмж тань чухам хэзээ ирж, ямар байсныг нь үгээрээ илэрхийлж, хайрын түүхээ хуваалцана уу хэмээн бид урьж байна. Захидал илгээхдээ Та хайрттайгаа хамт авахуулсан зургаар чимэхээ мартуузай.

ХУГАЦАА: Ер бусын тэр мэдрэмж бүхий захидлуудыг бид 2 дугаар сарын 6-ныг дуустал хүлээн авах ба 2 дугаар сарын 7-ны өдөр FB дэх HiUB.mn хуудаснаа байршуулж, мөн сарын 10-ныг дуустал шейр, лайк цуглуулан ялагчийг тодруулах болно.

ШАГНАЛ: Түрүүлсэн нэг оролцогч Хайртдаа Валентины ер бусын сюрпризыг www.hiub.mn сайт, ЭКО телевиз, “Гэгээнтэн энтертайнмент” төвийн хамтран бэлтгэснээр  барих болно. Гэрлэх санал, сэтгэлээ илэрхийлэх, мюзикл тоглолт гэх мэт аль ч хувилбараар нь зохион байгуулж болох сюрприз тань ЭКО телевизийн эфирээр бүрэн хэмжээний нэвтрүүлэг болон цацагдаж, аз жаргалтай мөчийг тань мөнхлөн үлдээх болно.   

ХҮЛЭЭН АВАХ: hiubsite@gmail.com хаягаар захидал + зургаа илгээгээрэй. 

ТА ХОЁРЫН ТҮҮХТЭЙ ТАНИЛЦАХААР ТЭСЭН ЯДАН ХҮЛЭЭЖ БАЙНА.

АМЖИЛТ ХҮСЬЕ!