Эд  хөрөнгө далладаг гэх Баян Намсрай бурхан цагаан өнгийн гарж нохой хөлөглөсөн байдаг. Гарж гэдэг нь бидний нэрлэж заншсанаар Монгол,Төвд банхарын нэгэн үүлдэр бөгөөд Хятадын баячууд баян чинээлгийн билэгдэл болгон гарж нохойг тэжээдэг болоод байгаа. Тэгвэл Монголд ч гарж нохой тэжээгчид цөөнгүй бий. Зохиолч, яруу найрагч Г.Аюурзана улаан зүсмийн гарж нохойтой бол Нохой судлалын холбооны гүйцэтгэх захирал Амгаланд хамгийн үнэтэй гарж байдаг гэнэ. Мөн С1 телевизийн продюссер Амараа нэлээн хэдэн гарж нохой тэжээдэг  юм байна.

Г.Аюурзана найрагч эхнэр Л.Өлзийтөгсийн хамт Төвд рүү аялад буцахдаа нэлээд ажил болж байж, бас дараа нь гааль дээр төвөг чирэгдэл болж байж улаан зүсмийн гаржаа гэртээ авчирсан гэдэг. Тэрээр "Миний хамгийн дуртай амьтан бол нохой. Нохой нохойдоо банхайсан сайхан гарж нохой" гэж хэлсэн  юм.

Т.Наран