“Харанга” хамтлагийнхан 25 жилийнхээ ойн хүрээнд Европын орнуудад ажиллаж, амьдардаг Монголчууддаа зориулж тоглолт хийхээр хилийн дээс өнөөдөр алхлаа.

Тэд Швейцарьт энэ сарын 8-нд уран бүтээлээ толилуулчихаад, Бельги, Франц, Испани, Швед, Английг зорих аж. Тус хамтлагийнханд нутаг нэгтнүүд нь ирж тоглооч гэсэн санал, хүсэлт удаа дараа тавьсан тул ийн шийджээ.

Хамтлагийн гишүүд очсон газар бүртээ Монголчуудтайгаа уулзаж, дуртай сэдвээр нь чөлөөт ярилцлага өрнүүлэх гэнэ. Тэдний хүрэлцэн ирэхийг сонссон Европ дахь Монголчууд их баярлаж, тоглолтыг нь зохион байгуулахаар болжээ. “Харанга”-ынхны дараагийн төлөвлөгөө АНУ-ын таван хотод тоглохоор хөл тавина.  

                                                                             Г.Золзаяа