“Илүү сартай шөнө”, “Сүүдэр”, “Төрийн сүлд өршөө”, “Үхэж үл болно Чингис хаан” кино, “Хаан түүх”, “Би эрчүүдийг хүснэ”, “Шөнө дундын бүжиг” зэрэг драмын жүжгийн зохиол туурвисан зохиолч Сорогдогийн Жаргалсайхан Монголын утга зохиол бүтээлүүдээрээ мөнхөрч үлдсэн.

Түүний хүү Ж.Билгүүн аавынхаа жүжиг, тууж, өгүүллэгийг эмхтгэсэн боть гаргаж, мөн “Чингис хааны нууц түүх” романыг нь япон, англи хэл дээр орчуулан хэвлэхээр болжээ.

Тэрбээр өдгөө Японы шоу энтертайнмэнт чиглэлээр үйл ажиллагаа явуулдаг “Аvex group”-т ажилладаг. “Чингис хаан. Үхэж үл болно” киноны “Тэнгэрийн зарлигаар. Хаадын хаад” хэмээх II ангийг хийх талаар найруулагч Л.Эрдэнэбулгантай зөвлөлдөн ярилцаж байгаа гэнэ.

Мөн “Чингис хаан” жүжгийг тайзан дээр тавихаар төлөвлөн, найруулагч Г.Цоггэрэлд аавынхаа хоёр ч жүжгийн зохиол өгчээ. Жил болгон 2000 хувь хэвлэгдэж тэр даруйдаа дуусдаг “Чингис хааны нууц түүх” романы  зургаа дахь удаагийн хэвлэлт  Солонгос хэл дээр гарчээ.

Киноны зураг авалтын хэсгээс     

                                                                               Г. Золзаяа