УИХ-ын дарга З.Энхболдыг ашиг сонирхолын зөрчилтэй хэмээн хэвлэлийн бага хурал зарлаж өөрийгөө олонд танилцуулаад авсан хуульч А.Гантамирын хударгагүй зангаас болж С.Одонтуяа гишүүний зөвлөх ажлаасаа халагдсан тухай гишүүний хэвлэлийн төлөөлөгч мэдэгдэв. 2013 оны нэгдүгээр сарын 15-нд А.Гантамир “Хуулийн төсөлд асуулт, санал боловсруулах, хууль сурталчлах” ажил хийнэ хэмээн УИХ-ын гишүүн С.Одонтуяатай гэрээ байгуулан 10 сая төгрөг авсан ажээ. Харин тэр өдрөөс хойш А.Гантамирын сураг алдран өвсөнд хаясан зүү шиг алга болсон гэнэ. Харин түүнийг өчигдөр хэвлэлийн бага хурал хийлгэхэд хайсан хүнээ сая нэг С.Одонтуяа гишүүн олж ийнхүү түүнд мэдэгдэл хүргүүлсэн байна. Түүний энэ хударгагүй зангаас болж нэг хүн ажил амьдралаараа хохирсныг сануулж мөнгөө эргэж төлөхийг тэрээр шаарджээ.