Өнөөдөр ЭКО телевизэд Их Британид төвтэй “Project abroad” сайн дурын солилцооны байгууллагын орон орны төлөөлөл болсон групп зочиллоо. Тус байгууллагын Герман, Испани, Тайвань, Өмнөд Африк, Англи, Швед, Хонконг, АНУ зэрэг орныг төлөөлсөн 11 зочин Монгол Улсын хэвлэл мэдээллийн салбар гадны орноос зорин ирдэг сайн дурын сэтгүүлч, зураглаач болон бусад ажилтныг хэрхэн хүлээн авдаг орчинтой танилцахаар иржээ. ЭКО телевизийн хувьд “Project abroad”-ын шугамаар Франц, Хонконг, БНХАУ-аас сайн дурын сэтгүүлчдийг авч ажиллуулсан бөгөөд ирэх долоо хоногт Их Британи улсаас Кайла Ким хэмээх сэтгүүлч бүсгүйг хүлээн авахаар хамтарсан төслөө бэлэн болгоод байна.