Поп опера урсгалаар уран бүтээлээ туурвидаг “Ньюанс” хамтлаг жил бүр Олон улсын театрын баярын өдөр тоглолт хийдэг уламжлалтай. Тэгвэл тэд өнгөрсөн хоёр жилийн хугацаанд шинээр туурвисан уран бүтээлүүдээ хүргэхээр “Granada” попера концерт энэ сарын 19-нд ДБЭТ-т толилуулна.
Концерт үзэхээр ирсэн үзэгчдийг тэд улаан дарс, цэцгийн баглаатай угтаж, улаан хивсэн дээр алхуулах гэнэ. Тус хамтлагийнхан ирэх жилийн гуравдугаар сард ОХУ-ыг зорьж, аялан тоглолтоо үргэлжлүүлэх аж. Тэд өмнө нь ОХУ-ын Буриад улсын Үндэсний Телерадио Компанийн 50 жилийн ойн арга хэмжээнд урилгаар оролцож, Эрхүү, Усть Орда, Забайкалский Край, Могойтын болон Агинский район, Улаан-Үд, Чита хотод зочлон, “Лучшие песни для Мамы” концерт тоглож байсан.
Дуучин залуус өөрсдийн байгуулсан “Ньюанс” дуу бичлэгийн студид бичүүлж, “Logic film” студийн уран бүтээлчдээр хийлгэсэн хоёр ч шинэ дууныхаа клипийг телевизүүдийн хөгжмийн суваг, FM радиогоор цацаад эхэлжээ. “Granada” попера концертын тасалбар худалдаанд гарсан байна.
Г.Золзаяа
МАРКЕТИНГИЙН АЛБА
976-77770784
hiubsite@gmail.com
976-77770784
976-77770784
Хаяг: Монгол Улс, Улаанбаатар хот, Хан-Уул дүүрэг, 15-р хороо, Романа Ресиденс, 18 давхарт