Энэ жил 33 настай Бразилын үзэсгэлэнт топ модель маань өнгөрөгч оны 12 дугаар сард тус агентлагтай хийсэн гэрээгээ цуцлаад байсан ч ийнхүү ахин “Victoria's Secret” –ийн тайзан дээр гарахаар болжээ.

Энэ талаар “Victoria's Secret” брэндийн олон нийттэй харилцах албаны дарга Фани Брас хэлэхдээ “Бид жинхэнэ сахиусан тэнгэрүүдтэй шинэ гэрээ байгуулж чадлаа. Үзэгчид Адрина болон Александраг харахыг маш их хүсдэг. Бид одоогоор гайхамшигт Миранда Керртэй гэрээгээ сунгах асуудлаар ярилцаж байгаа” гэсэн байна.

Ийнхүү Адриана гэрээгээ сунгасан даруйдаа Нью-Йорк хотноо хийж байгаа шинэ бүтээгдэхүүний танилцуулгын үйл ажиллагаанд оролцсон байна.

Дашрамд хэлэхэд “Victoria's Secret”-ээс гаргаж байгаа шинэхэн дотуур хувцасны цувралын танилцуулга болон гарч байгаа хослолуудыг 16 000 рубинан шигтгээгээр чимэглэж, 18 каратын алтан тоногоор гоёжээ. Тус дотуур хувцсыг хийхийн тулд дизайнер нь 1380 цаг зарцуулсан бөгөөд анхны худалдаалах үнэ хоёр сая америк доллар байх гэнэ.