Япончууд хачирхалтай бараа бүтээгдэхүүн үйлдвэрлэдэгээрээ алдартай улс билээ. Энэ удаад Токиогийн Bibico хамар өндөрсгөгч бүтээгдэхүүн үйлдвэрлэж зах зээлд нийлүүлжээ. Энэхүү бүтээгдэхүүнийг хэрэглэснээр хамар нарийсгаж өндөрсгөдөг мэс заслаас хамаагүй хямд зардлаар хамраа өндөрсгөх боломжтой болж байгаа юм. Үнэ нь 1620 иен буюу 16$ орчим. Гэвч Bibico компанийн цахим хуудсанд уг бүтээгдэхүүн нь хамрын дотор талыг гэмтээж болзошгүй тул удаан хугацааны турш хэрэглэхийг хориглоно гэсэн анхаарулга байгаа юм. Магадгүй энэхүү хамар өндөрсгөгчийг "чухал" үед буюу болзоонд явахдаа ашиглаж болох юм.