Ерөнхий сайд Н.Алтанхуягийг огцруулах тухай МАН-ын 28 гишүүний саналыг өнөөдөр чуулганаар хэлэлцэнэ. Энэ асуудлаар АН 5 хоногийн завсарлага өнгөрсөн долоо хоногт авсан  бөгөөд ийнхүү  өнөөдөр завсарлагын хугацаа дуусч байгаа юм. АН-ынхан завсарлагын хугацаандаа бүлгээ хэд хэд хуралдуулж, анхан шатны байгуулагынхантай санал солилцсон ч энэ асуудлаар тодорхой шийдэлд хүрч чадаагүй бөгөөд өчигдөр орой Шонхор фракц хуралдсан гэх мэдээлэл байна. 

Ерөнхий сайдыг огцруулах асуудлыг  УИХ-д өргөн барьснаас хойш 14 хоногийн хугацаанд шийдэх хуулийн хугацаа аль хэдийнэ өнгөрөөд байгаа юм. Ямартай ч өнөөдөр Төрийн  байгуулалтын байнгын хороо үдээс өмнө хуралдаж Ерөнхий сайдыг огцруулах асуудлыг хэлэцсэний дараа үдээс хойш уг асуудлаар нэгдсэн  чуулган хуралдах товтой байна.

Б.Хаш