Pеппер Gee хэвлүүлсэн таван цомгийнхоо дуунаас шигшиж, “X-Vit” хамтлагтай хамтран “Юуны төлөө” хэмээх амьд хөгжимтэй тоглолт  “UB palace”-ийн Рояал танхимд энэ сарын 14-нд хийхээр болсон.

Тэрбээр тоглолтын зардлаа 28 сая, 20 мянган төгрөг байхаар тооцож, 1500 үзэгчийн тоонд хуваан тасалбараа 18680 төгрөгөөр худалдаалж эхэлсэн байна.Урлагийнхны дундаас түүний тоглолтын тасалбарын үнэ гайхаш төрүүлж байгаа ч үзэгчдэд хариултыг нь буцааж өгөх аж. Дуучин залуу ашиг олох гэхээсээ илүү өөрийг нь дэмжиж сонсдог сонсогчдод зориулж  уран бүтээлээ толилуулж буй гэнэ. Үүнийгээ “Би залуу байна. Тиймээс шунаад яахав.

Мөнгө олох нас надад хангалттай бий” хэмээн үзжээ. Түүнийг тоглолтоо хийсний дараа 7 хоногт  Рокит Бэйтэй хамт тоглосон  “Алтан ус” уран сайхны кино нээлтээ хийнэ. Энэ киног “Хаган фильмс” студийн хамт олон бүтээжээ.          

                                                                                               Г.Золзаяа