Нийслэлийн Баянзүрх дүүргийн 12-р хороо дахин төлөвлөлтийн дараа дүүргийнхээ  төв болно. Тус хорооны дахин төлөвлөлтийн гүйцэтгэгчээр шалгарсан Үндэсний шилдэг бүтээн байгуулагч “Жигүүр Гранд” групп олон улсын хүүхдийн эрхийг хамгаалах өдрийг тохиолдуулан 12-р хорооны хүүхэд багачуудыг баярлууллаа. Баярын үеэр “Миний мөрөөдлийн цэцэрлэгт хүрээлэн” сэдвээр 5-8 нас, 9-12 насны ангилалаар зарласан гар зургийн уралдааны ялагчдыг тодруулж, шагнал гардуулсан байна. Мөн Баянзүрх цогцолбор сургуулийн авъяаслаг багачууд үеийн найзууддаа урлагийн тоглолтоор бэлэг барьжээ. Дахин төлөвлөлтийн нэгжийн хүүхдүүдийг баярлуулах ажилд 12-р хорооны оршин суугчдын байгуулсан “Чулуутын задгай” ТББ-ын ажилтнууд идэвх санаачлагатай оролцсон байна.