Далайн эрэгт хүрэхийн даваан дээр шуурганд цохиулж живсэн байж болох 1600 гаруй жилийн настай хөлөг онгоцыг Израйлийн архелогичид олжээ.

Газар дундын тэнгисийн зүүн хэсэгт орших эртний Кесария хотын эргийн орчмоос хоёр шумбагч энэ хөлгийг олжээ.

Улмаар архелогичид хөлгийн дотор орж үзэхэд Нарны бурхан Солын дүр бүхий хүрэл дэнлүү, Сарны бурхан Лунагийн том хэмжээтэй хүрэл барималын зарим хэсэг, олон мянган зоос байжээ.

Энэ олдворууд эдийн засаг, арилжаа худалдаа тогтовортой хөгжиж байсан Ромын эзэнт гүрний төгсгөл үед хамаарч байна.

Хүрэл хөшөөнүүдийг далайн эргийн элс маш сайн хамгаалсан байжээ.