Шинэ Зеландын шивээсчин Бенжамин Ллоид Фэйсбүүкээр "50 LIKE авбал "Auckland’s Starship Children" эмнэлэгт хэвтэж байгаа хүүхдүүдэд арилдаг шивээс хийнэ" гэж зарлажээ. Харин түүний пост 50 биш 400,000 мянган LIKE авч шивээсчин ч амалснаа биелүүлсэн байна.

Бенжамин Ллоид 10 жил цацдаг будгаар зурж, саяханаас шивээс хийж эхэлж байгаа гэнэ. Өмнө зөвхөн насанд хүрсэн хүмүүст шивээс хийдэг байсан бол энэ удаа хамгийн анх хүүхдийн бие дээр шивэх болсон нь интернет ертөнцийг шуугиулаад байна. "Шивээс зуруулж байгаа хүүхдийн баяр баяслаас илүү зүйл би харж байгаагүй. Гэхдээ ганц муу тал нь хүүхдүүд нэг хэсэгтээ усанд орохгүй гэж зөрүүдлэх вий" хэмээн шивээсчин залуу өгүүлжээ.