ХААИС-ийн цэнгээнт бүжгийн "Хатан туул" хамтлаг өнгөрсөн хавар болсон бүжгийн спортын улсын аварга шалгаруулах "Сарны цом-2014" тэмцээний Стандарт бүжгийн төрөлд түрүүлсэн бол Латин америк төрөлд гуравдугаар байрт шалгарсан билээ.

Тус хамтлаг өмнө нь 2010 онд шилдэг хамтлагаар шалгарч, Польшийн Эльблаг хотод болсон стандарт бүжгийн ДАШТ-д анх удаа эх орноо төлөөлж оролцсон.  Түүнээс хойш ДАШТ-д гурван удаа амжилттай оролцож буй. Тэд Герман улсын Брауншвейг хотод энэ сарын 1-нд болсон стандарт бүжгийн дэлхийн аварга шалгаруулах формэйшн тэмцээнд эх орноо төлөөлөн оролцож, хагас финалд шалгаран ХI байр эзэлжээ.

Хамтлагийн ахлагч Т.Лхагвасүрэн бүжигчдээ дасгалжуулж, тэмцээнд ахалж оролцсон байна. Тэмцээний I байранд  Брауншвейг (Герман), II байранд Людвигсбург (Герман), III байранд Вера (ОХУ) хамтлаг тус тус байр эзэлсэн байна.

                                                                                       Г. Золзаяа