Калифорн мужийн Лос-Анжелос хот улсдаа хоёрт ордог том хот бөгөөд 1,214 км квадрат талбайд 4 сая хүн амьдарч байна. Лос-Анжелос хот нь Улаанбаатар хотоос 3.8 дахин бага газар нутагтай гэсэн үг юм. Тус хотод хэт халалтын уршгаар 2014 онд нийтдээ 14 мянган мод үсгүйгээс үхэж хатжээ. Хотын захиргаанаас усны дутмагшлаас улбаалж энэ их хэмжээний модыг байнга услах боломжгүйг мэдэгдэж, тайрах болсон байна. Жил бүрийн 7-р сарын 4-нд тэмдэглэдэг үндэсний баярын өдрөөс урьтаж Умард Холливуд цэцэрлэгт хүрээлэн дэх моднуудыг тайрчээ. Энэ үйлдэл байгаль хамгаалагчдын дургүйцлийг төрүүлж байгаа юм. Байгаль хамгаалагчдын нэг Кристен “Мод огтолсон ч орлуулж суулгах хэрэгтэй. Ингээгүй тохиолдолд хэт халалтын нөлөө улам нэмэгдэнэ. Мөн зэрлэг амьтдын амьдрах газрыг хумиж байгаагаа ухамсарлах ёстой. Модон дээр амьдардаг шувуу, бусад амьтад эндээс нүүсэн ч орон гэргүй болсон тул устах нь дамжиггүй юм” гэжээ.