Тахиа, үхэр, гахайн махан хүнсний бүтээгдэхүүн үйлдвэрлэгч Тайсон Фүүдс компани нийгмийн хариуцлагаа хэрэгжүүлэхийн тулд хүүхэд насны өлсгөлөнг зогсоох зорилт тавьжээ. Сүүлийн жилүүдэд тус компани мөн л олон нийтийн сүлжээг ашиглаж өлсгөлөнгөөс ангижруулах чиглэлээр олон ажил хийсэн байна. Тухайлахад өөрсдийн фэйсбүүк хуудасны нэг нийтлэлийн дор нэмэгдсэн сэтгэгдэл бүрийн тоогоор 45 КГ тахианы махыг Техас мужийн нөөцөнд хандивлах зэрэг олон нийтийн анхаарал татсан үйл ажиллагаа явуулдаг байна. Хоёр цагийн дотор Тайсон компанийн фэйсбүүк нийтлэлд 658 хариу ирж, хоёр ачааны машины чингэлэг дүүрэн тахианы махыг Техас мужийн орлого багатай, хүнсний хомсдолд орсон гэр бүлүүдэд хандивлажээ.