Уран нугаралтын гайхамшгийг дэлхийд сурталчилж, Авьяаслаг Британичууд шоунд шүүгчдийг алмайруулж байсан уран  нугараач Л.Оюунгэрэл гадаад эртэй дэр хуваахаар болжээ. Тэрээр Zippos циркийн эзэнтэй саяхан хуримласан байна. Англи даяар Оna нэрээр олны танил болсон монгол бүсгүй энэ оны тавдугаар сард Marinelli-ийн байрлалд буюу биеийнхээ бүх жинг аман дээрээ тогтоон нугарч, 33 секунд тогтсоноор, өмнөх дэлхийн амжилтыг 11 секундээр ахиулж, Гиннесийн номонд бичигдсэн билээ.

Дэлхийн хамгийн баян тансаг улс болох Арабын нэгдсэн улсад урилгаар очиж хааных нь гэр бүлд тоглож энэ үеэрээ Шакира, Экон нарын супер одуутай нэгэн тайзнаа гарч байсан нугараач бүсгүй Англид хуулийн чиглэлээр сурдаг  бөгөөд олон  улсын хуульч мэргэжил эзэмшээд эх орондоо ирж ажиллана гэж байсан нь ийнхүү түүний төлөвлөгөөнөөс арчигдах  нь бололтой.

Б.Сувд