Өнгөрөгч долоо хоногийн сүүлээр АНУ-ын сансар судлалын хүрээлэнгийн харъяа “Virgin Galactic” онгоц туршилтын нислэг үйлдэж эхлээд удаа ч үгүй байхдаа дэлбэрсэн билээ. Шинжээчид ослын шалтгааныг тодруулахаар ажиллаж байгаа ч одоогоор шалтгааныг нь илрүүлээгүй байна. Уг осолд цагдаа нар онгоцны жолоочийг сэжиглэж байна. Учир нь хөлгийн ахлах нисгэгч болох 43 настай Петр Сиболд бэртэл авсан гэх шалтгаанаар онгоцонд суугаагүй хоцорч харин туслах нисгэгч 39 настай Майкл Алсбур харамсалтайгаар амь насаа алдсан юм. “Virgin Galactic” хөлөг нь дэлхийн зорчигчдыг сансарт нисгэж, богино аялал хийлгэхээр зориулан бүтээсэн ч туршилт бүтэлгүй болсоноос болж нэр хүнд нь унасаар байгаа юм. Гэсэн ч дараагийн “Virgin Galactic” хөлгийг дахин үйлдвэрлэж байгаа бөгөөд одоогоор 65 хувьтай байгаа хөлөг ирэх оны эхээр зорчигчдоо аялуулах болно  хэмээн мэдэгдэж байна.