Сонгодог хөгжимчдийн UNICO хамтлагийн анхны тоглолт Улсын филармонийн концертын танхимд энэ сарын 4-нд болно. Таван гишүүнтэй шинээр байгуулагдсан уг хамтлаг дэлхийд нэртэй sextet-үүдийн тоглодог тансаг зохиолуудаас сонордуулах аж.

Залуу хөгжимчид гар нийлж “босгосон” уран бүтээлээрээ үзэгчдийг  XVIII зууны сүүл, XIX зууны эхэн үеийн Европоор аялуулах гэнэ. Мөн XX зуунд үлээвэр хөгжимд зориулсан зохиол бүтээлд сэтгэл зүрхээ зориулсан алдартай хөгжмийн зохиолчдын бүтээлээс толилуулна. Тус хамтлаг тоглолтоо Монгол Улсад найрал хөгжим үүсч хөгжсөний 90 жилийн ойн хүрээнд үнэ төлбөргүй хүргэж буй.

                                                                                         Г.Золзаяа