Жил бүрийн 4-р сарын нэгэн буюу Инээдмийн баярын өдөр маш арвин баялаг, олон  янзын  түүхтэй.    Тэртээ 13-р  зуунд  Ромын  Пап  Грегори    шинэ  оны  4-р сарын нэгэнд эхэлдэг байсныг 1-р сарын 1 болгож өөрчилжээ. Тухайн үед иргэд олон нийт энэ өөрчлөлтийг шууд хүлээн авч чадаагүй байна. 4-р сарын нэгэн шинэ жил биш болсныг сонсоогүй хүмүүсийг “4-рсарын тэнэгүүд” гэж нэрлэдэг байжээ.   Харин 20-р зуунаас эхлэн 4-р сарын тэнэгүүдийн өдөр буюу инээдмийн баярыг нэг  нэгнийгээ  хуурах,  эсвэл  хэвлэл  мэдээллийн  хэрэгслээр  олон  нийтийг төөрөгдүүлсэн мэдээлэл цацах зэргээр тэмдэглэж иржээ.  Инээдмийн  баярын  түүх  сөхвөл 1957  онд  Английн  BBC  Телевиз  үзэгчиддээ Швейцарийн  тариачид  гоймон  ургуулсан  тухай  мэдээлсэн  байна.  Энэ мэдээллийн  дараа  олон  зуун  үзэгч  телевизтэй  холбогдож  хашаандаа гоймонгийн бут тарих хүсэлтээ байгаагаа илэрхийлж байжээ.