Дэлхийн хаана ч эмэгтэйчүүдийн ариун цэврийн хэрэглэл өндөр өртөгтэй байдаг. Бага орлоготой айл өрхийн охидын хувьд эцэг эх, асран хамгаалагчаасаа сар бүр ариун цэврийн хэрэглэл гуйж авахаас санаа зовдог байна. Учир нь ариун цэврийн хэрэглэл ямар үнэтэйг охид мэднэ. Тэгвэл охидын сэтгэлийн энэ эмзэглэлийг ойлгож Нью-Йорк хотын  25 сургууль бага орлоготой өрхийн охидод ариун цэврийн хэрэглэл үнэгүй тараах болсон сайхан мэдээ байна.  Энэ хөтөлбөрт Нью-Йорк хотын нийтийн сургуульд суралцдаг бага орлоготой айл өрхийн охидын 79 хувь нь буюу 11 мянган сурагч хамрагдах болжээ. Энэ хөтөлбөр хэрэгжүүлснээр орлого бага гэр бүлүүдэд эмэгтэй хүний сар тутмын энэ хэрэгцээ ямар амин чухал болохыг ойлгуулахад ихээхэн ач холбогдолтой.