Намрын тэргүүн, Супер-8 тэмцээн өндөрлөлөө. Тэмцээнд оролцсон багуудаас “Эрчим”, “Алтайн барс-2” аваргын төлөө хүч тэнцүүхэн өрсөлдөж тэмцээнийг сонирхолтой болгосон.

Энэ удаа мөн л ОУХМ Д.Баасансүрэн, Д.Даринчулуун дасгалжуулагчтай, Э.Сайнбилэг ахлагчтай ДЦС-4 ТӨХК-ийн “Эрчим” баг түрүүлж алт, “Алтайн барс-2” шил дарж мөнгөн, “Хасу мегастарс” гуравдугаар байрт шалгарч хүрэл медаль тус тус хүртэв.

Өнгөрсөн тавдугаар сард өндөрлөсөн “Хаврын тэргүүн тэмцээн”-д “Эрчим”-ийнхэн дэд байрт шалгарч байв. Супер-8 тэмцээний хагас шигшээд шалгарч тоглосон багуудаас Өмнөговь өрсөлдөгчөө илүүрхэж ялсан бол Баянзүрх дүүргийн 21 дүгээр сургууль удаалж, Сэлэнгэ аймгийн Зүүнхараа сумын 3 дугаар сургуулийн баг гутгаар байр эзлэн хүрэл медалийн болзол хангалаа.

                                                                                              Г.Золзаяа