Тайвань арал дахь Мак Дональдсын салбарт авсан энэхүү гэрэл зураг интернетээр хурдтай тархаж, олон хүний сэтгэлийг хөдөлгөжээ. Тус түргэн хоолны газарт үйлчлүүлэхээр ирсэн хөгжлийн бэрхшээлтэй эмэгтэйд тусалж, хоолыг нь барьж идүүлж байгаа гэрэл зураг гурван сарын 9-ны өдөр Фэйсбүүкт орж аль хэдийн 30 мянган Like цуглуулжээ. Сайхан сэтгэлтэй ажилтан их сургуулийн оюутан бөгөөд чөлөөт цагаараа энд ажилладаг байжээ. Мак Дональдс компани сайхан сэтгэл гаргасан ажилтнаа шагнана гэсэн мэдэгдэл гаргажээ.