Хавайн арлаас наймаалжны шинэ зүйл олдсон тухай мэдээлэл далай, тэнгисийн экосистемийг судалдаг эрдэмтдийн анхаарлыг татаж байна. Цагаан өнгөтэй, нэвт харагддаг энэ наймаалжийг сөшл медиа хэрэглэгчид “Далайн эргийн нөхөрсөг сүнс” гэж нэрлэжээ.  АНУ-ын Далай тэнгис, агаар мандал судлалын удирдах газраас наймаалжны шинэ зүйл олдсон гэж мэдээллээ. Хавайн арлын эрэгт 2-р сарын 27-нд гарч ирсэн өмнө нь огт харагдаж байгаагүй наймаалжний зургийг судалгааны багийнхан авч баримтжуулжээ.  Цагаан өнгөтэй, нэвт харагддаг энэ наймаалжийг сөшл медиа хэрэглэгчид “Далайн нөхөрсөг сүнс” гэж нэрлэсэн байна. Судалгааны багийнхан далайн ёроолоос геологийн судалгааны дээж цуглуулах зориулалттай алсаас удирддаг төхөөрөмжийн тусламжтайгаар энэ наймаалжийг санамсаргүй байдлаар олжээ.