Дэлхийн хаанаас ч хүссэн хүн бүрт өндөр чанартай боловсрол эзэмших боломж олгох зорилготой edX цахим хуудсыг танилцуулж байна. Тус цахим хуудсыг 2012 онд Харвард их сургууль, Массачусеттсын технологийн их сургууль хамтран байгуулсан бөгөөд дэлхийн шилдэг их сургууль, хүрээлэнгүүдийн өндөр чанартай хичээл, курст хамрагдах боломжийг дэлхий дахинд олгож байгаа юм. Дэлхийд алдартай их сургуулиудын компьютерийн шинжлэх ухаан, хэл, инженерчлэл, сэтгэл судлал, электроникс, биологи, маркетинг зэрэг бүх төрлийн хичээлийг үнэгүй үзэх боломжтой.