Нийслэлийн Баянзүрх дүүргийн 14 дүгээр хороо, Нарантуул Олон улсын худалдааны төв бөс барааны задгайд лангуу  шатаж байна гэсэн дуудлагыг 2016.03.03-ны өдрийн 03:37 цагт Онцгой байдлын алба хүлээн авчээ. Улмаар Баянзүрх дүүргийн Онцгой байдлын хэлтсийн Гал унтраах, аврах 35, 63, дугаар ангийн 16 албан хаагчаас гадна нэмэлт хүч ирж ажилласан байна. Тухайлбал

• Чингэлтэй дүүргийн Онцгой байдлын хэлтсийн Гал унтраах, аврах 10 дугаар ангийн 19 албан хаагч,
• Хан-Уул дүүргийн Онцгой байдлын хэлтсийн Гал унтраах, аврах 14, 30 дугаар ангийн 16 албан хаагч,
• Сонгинохайрхан  дүүргийн Онцгой байдлын хэлтсийн Гал унтраах, аврах 26,29 дүгээр ангийн 16 албан хаагч,
• Сүхбаатар дүүргийн Онцгой байдлын хэлтсийн Гал унтраах, аврах 34 дүгээр ангийн 8 албан хаагч,
• Баянгол дүүргийн Онцгой байдлын хэлтсийн Гал унтраах, аврах 18 дугаар ангийн 8 албан хаагч,
• Нийслэлийн Аврах ангийн 8 албан хаагч, нийт 103 алба хаагч ажиллаж тус тус унтраасан гэж ОНЦГОЙ БАЙДЛЫН ЕРӨНХИЙ ГАЗРААС МЭДЭЭЛЛЭЭ.