Та хүүхдээ хэр найдвартай орчинд суралцдаг гэж боддог вэ. Таны хүүхдийн сургууль, цэцэрлэг хэдэн “настай” гэдгийг анзаарч  мэдэх үү. Тэгвэл УМХГ болоод БШУЯ-наас нурааж шинээр барих шаардлагатай гэж үзсэн 51 цэцэрлэг, 27 сургууль бий. 1948-1969 оны хооронд баригдсан эдгээр барилга газар хөдлөлт битгий хэл чангахан хаалга савахад нурж мэдэхээр “өтөлсөн”. Сүх далайтал үхэр амар гэгчээр уг барилгуудын жагсаалт зөвхөн цаасан дээр л "амьдарч" хүүхдүүдээ олон мянгаар нь аюултай орчинд сургасаар байна.

        Одоогоор эдгээрээс ердөө 5 сургууль үүдээ барьж шинээр барих жагсаалтад орсон бол үлдсэн нь хэзээ “аюулгүй” барилгатай болох  нь тодорхойгүй байна. Учир нь өмнөх барилгуудаас зарим нь нураагдаад 2 жилийн нүүр үзэж байгаа ч баригдаж эхлээгүй байгаа юм.

Hiub.mn сайт нурааж дахин барих ёстой сургууль, цэцэрлэгийн жагсаалтыг  нийтэлж байна.