Нийслэлийн нутаг дэвсгэр дэх их, дээд сургуульд суралцаж буй 18-25 насны оюутан залуучуудыг сайн дурын үндсэн дээр элсүүлэх “Оюутан цэрэг” хөтөлбөрийг 2016 оны 03 дугаар сарын 10-ны өдрөөс эхлэн хэрэгжүүлэх боллоо.

Хөтөлбөрийн бүртгэл 3-р сард эхэлж, хамрагдах оюутан залуусыг 6-р сард эрүүл мэндийн үзлэгт хамтруулан, тэнцсэн залуусыг цэргийн албанд татан алба хаалгана.

Түүнчлэн их, дээд сургуулиудтай хамтран сайн дурын үндсэн дээр цэргийн алба хаах сонирхолтой оюутнуудад “Цэргийн ерөнхий бэлтгэл” хичээлийг 4-6-р сард сонгон суралцуулж, шаардлага хангасан оюутан залуусыг 6-8-р сард цэргийн тусгай бэлтгэл сургалтанд хамруулна.

Мөн “Оюутан-Цэрэг”  хөтөлбөрт хамрагдан цэргийн алба хаасан залуусыг  8-р сард Дүүргүүдийн цэргийн штабт хүлээн авах юм байна.