Украины зүгээс НАТО-г хүнд хэцүү үед нь ОХУ-аас хамгаалах цорын ганц хамгаалалт хэмээн үзэж байгаа юм. Тиймээс өчигдөр мэдэгдэл хийж ОХУ-ын удирдлагуудад анхааруулга өгсөн байна.

        Украины Батлан хамгаалахын сайд Валерий Хелетэй мэдэгдэлдээ: Надад та нартай зөвшилцөлд хүрэх эрх байхгүй ч гэлээ НАТО-гоос нийлүүлсэн зэвсгүүд замдаа яваа, дахин хэлье зэвсгүүд ирж байгаа гэсэн байна. Энэ нь ОХУ-д анхааруулга өгч байгаа хэлбэр хэмээн олон улсын ажиглагчид дүгнэж байгаа бөгөөд зөвхөн  НАТО-гоос л гэхэд Украинд ойролцоогоор 20 000 орчим зэвсэг илгээсэн байгаа гэнэ.

        Ийнхүү Украинд 9 дүгээр сарын 5-наас хойш гал зогсоож хэсэгтээ амгалан байсан ч ихээхэн хэмжээний зэвсэг ирж байгаа нь асуудлыг улам хурцдуулах болно гэж дэлхий дахин сэрэмжилж байна.

        Өнгөрөгч 3 дугаар сараас эхлэн Украин болон ОХУ-ын хооронд, цаашлаад дэлхий дахиныг түгшээж байгаа энэхүү хямралаас үүдэн одоогоор 2600 хүн амь насаа алдаад байна.