Хятадын Хечуаны нутагт орших Эр Фо хийдэд авахуулсан бяцхан хоёр ламхайн зураг интернетийг шуугиулж байна.

Энэ оны нэгдүгээр сарын нэгний өдөр хөвгүүдээ зугаалгаар авч явсан хоёр аав ингэж зургийг нь авахаар шийджээ.

Үсээ авахуулсан хөвгүүд “Сармагчны хаан эргэж ирсэн нь” киноны баатруудтай адилхан харагдаж байсан тул ингэж зургийг нь авахаар шийдсэн байна.

Хүүхдүүдийн аавууд нь хоёул гэрэл зураг сонирхогч бөгөөд хөвгүүдийнхээ зургийг Хятадын нийгмийн сүлжээний WeChat-д байрлуулсны дараа интернетээр тархжээ.

Тун удалгүй Хечуаны аялал жуулчлалын товчооноос эдгээр зургийг албан ёсныхоо цахим хуудсанд байрлуулсан байна.