Youtube хуудсанд үзсэн тоогоороо тэрбум давсан 20 дүрс бичлэг бий. Тэдний дотор дуучин Аделийн хэд хэдэн дуу мөн “Маша, баавгай хоёр” оросын хүүхэлдэйн киноны 17 анги багтжээ. Маша, баавгай хоёрын адал явдлыг дэлхий дахины хүүхэд багачууд сонирхдог. Тэдний дунд Герман, Малайз, Австрал, АНУ-ын хүүхдүүд багтаж байна. Тэрбум давсан үзэгчтэй энэ киноны 17 анги нь үлдсэн 54 ангиасаа юугаараа эрс ялгагдаж байгаа нь тодорхойгүй ч өнөөдөр Youtube хуудасны бүх цаг үеийн хамгийн шилдэг 13 дахь бүтээлээр нэрлэгдлээ. 2012 онд Youtube-д анх байршиж эхэлсэн долоон минут үргэлжлэх энэ хүүхэлдэйн кино өнөөдөр 25  хэлээр орчуулагджээ.