Оскарын шагналт жүжигчин Катерин Зета-Жонес 46 настай боловч сайхан арьсаараа гайхуулдаг бүсгүйчүүдийн нэг. Тэрээр dailymail цахим хуудсанд гоо сайхны нууцаа хуваалцсан байна. “Кино зураг авалттай, томилолтоор гэрээсээ холдох үед миний арьс чипс шиг  л хуурайшдаг” гэжээ.  Яг ийм үед Катери шөнө унтахдаа арган самарны тосыг нүүрэндээ түрхдэг байна. Морокко улсад ургадаг арган модны самарнаас хүнсний зориулалтаар тос гаргаж авдаг бөгөөд энэ тосыг нутгийн бүсгүйчүүд арьс хуурайших, батгаших, үрчлээтэх зэрэг гоо сайхны асуудлыг шийдэхэд мөн үе мөч өвдөх, арьсны язралтын соривыг арилгах зэргээр өнө эртнээс ашиглаж иржээ. Орчин цагийн гоо сайханд ч энэ тосыг ашигладаг бөгөөд чидун жимсний тосноос хоёр дахин их Е витамин агуулдаг, үүгээр зогсохгүй антиоксидант чанар нь өндөр гэнэ.