Жил ирэх тусам нийслэлийн утаа нэмэгдэн, дээд цэгтээ хүрч, бүр гамшгийн хэмжээнд тулсан энэ үед  утаанаас  уушгиа хамгаалах  аргад суралцах нь хамгийн зөв зам болжээ. Монголын Залуучуудын Холбооноос “Уушгиа чөлөөлье” аян зарлаж, энэ чигт олон нийтийн анхаарлыг хандуулж байна.  “Уушгиа чөлөөлье” сургалт, үзэсгэлэн худалдааг энэ сарын 29-нд  МЗХ-ны байранд болох гэж байна.  Уг үзэсгэлэнд эм, эмнэлгийн мэргэжилтнүүд,  хүчилтөрөгчийн коктейль үйлдвэрлэгчид, агаар шүүгч болон цэвэршүүлэгч бүтээгдэхүүн борлуулагчид, зориулалтын утааны маск гээд уушгиа утаанаас хамгаалахад зориулсан бүтээгдэхүүн үйлдвэрлэгч болон импортлогчид оролцох гэнэ. Дашрамд дуулгахад, сургалт үзэсгэлэн худалдаанд хүрэлцэн ирсэн хүн бүрт хүчилтөрөгчийн коктейль үнэ төлбөргүй өгөх юм байна.