БЗД-ийн 12 дугаар хорооны иргэдийн сонголтоор “Жигүүр гранд” групп тус хорооны нутаг дэвсгэр дээр нийслэлээс зарласан дахин төлөвлөлтийн төслийг хэрэгжүүлэхээр болсон. Ингэснээр тус групп орон сууцжуулах хөтөлбөр хэрэгжүүлэхийг зөвшөөрсөн батламжаа нийслэлээс гардаад авчихвал ажлаа эхлүүлэхэд бэлэн гэсэн үг юм. Монголын барилгын салбарын тэргүүлэгч компани болох “Жигүүр гранд” групп нийслэл Улаанбаатар хотын 375 жилийн ойг угтан 12 дугаар хорооны иргэдийн санаачилгаар байгуулагдсан “Чулуутын задгай” ТББ-тай хамтран өнгөрөгч даваа гарагт “Цэвэр орчин-Эрүүл амьдрал” аяныг өрнүүлжээ. Энэ арга хэмжээний хүрээнд 12 дугаар хорооны гол гудмыг цэвэрлэж таван машин хог ачуулсан нь иргэд, оршин суугчдын талархалыг хүлээсэн байна. Уг арга хэмжээ цаашид ч үргэлжлэх ажээ.