АНУ-ын Жаксонвилл хотод сүүлийн 60 жилд анх удаа сиамын ихэр хүүхдийг салгах мэс засал амжилттай хийжээ. Коннер, Картер нар 2014 оны 12-р сард кесаров мэс заслын аргаар мэндэлжээ. Хөвгүүд гэдсээрээ хоорондоо нийлсэн, нарийн гэдэс нь нэг байсан аж. Хөвгүүдийн жижиг нь болох Картерт очих шим тэжээл эрс багассан тул тэднийг салгах шийдвэрийг эмч нар 2015 оны таван сарын эхээр гаргажээ. Тэгвэл найман сар эмнэлэгт байсны дараа хөвгүүдийн том нь болох Коннер эмнэлгээс гарчээ. Бяцхан Картерын биеийн байдал сайн байгаа ч эмнэлгээс гарах хараахан болоогүй байна. Хөвгүүдийг эмчилсэн эмч, эрүүл мэндийн ажилтнуудын баг 200 гаруй хүнтэй гэнэ. Дашрамд сонирхуулахад 100-200 мянган төрөлт тутамд сиамын ихэр хүүхдүүд төрдөг байна.